Thursday, November 6, 2014

4...ඇස්....

                                                                -------------ඇස් --------------






                                                                    බසයේ කවුලුවෙන්
                                                                    බලා උන්නෙමි ඉවත
                                                                    පසුවෙවී ඇදෙන
                                                                    දහසකුත් එකක් මුහුණු
                                                                    හමු වෙවී වෙන් වෙන
                                                                    ඇස් මානයෙන් දුර ඇදෙන


                                                                   පෙම්වතෙකු දෑතේ වෙලෙන
                                                                   සුන්දරම වූ යුවතියක
                                                                   ඇස් දිටිමි අහම්බෙන්
                                                                   කතා නොමැතිව උනුන්
                                                                   දහසකුත් දේ කියන
                                                                   ඇස්...


                                                                  මවුන් ඇකයෙන් ගිලිහ
                                                                  කුණු කානුවක් අසල
                                                                  ඉඳුල් බත් සුණු බුදින
                                                                  කිළිටි වත ඔසවමින්
                                                                  මා දිහා බැලු
                                                                  ඇස්...


                                                                  කඳුලු කබ පුරා ගිය
                                                                  හැඟුම් විරහිත ලෙසින
                                                                  දුර ඈත බලා උන්
                                                                  වියපත් වු මහලු ගත
                                                                  අවසඟව දරා උන්
                                                                  ඇස්....


                                                                  මත් වෙමින් සුරා සැල්
                                                                  දොර අගින් නික්මෙනා
                                                                  පඩි පතක සොච්චමද
                                                                  අනුන් හට පුද කරන
                                                                  පියෙක් යැයි නොකිව හැකි
                                                                  මිනිසෙකුගෙ
                                                                  ඇස්...


                                                                  හෙම්බත් ව බලා ඉමි
                                                                  මේ ඇදෙන ඇස් අතර
                                                                  නෙතු පියා ඉසුඹු ලමි
                                                                  නිවා ලනු රිසින්
                                                                  මගේ
                                                                  ඇස්....

4 comments:

  1. ඇස්.. පිස්සු හැදෙන ඇස් :D

    කවිය නම් සෝයි !!

    ReplyDelete
  2. කවිය නම් පට්ටයි හැපියෝ...!!

    ReplyDelete
    Replies
    1. ඔහොම කියද්දී happy ට මාර happy ලු බස්සියෝ...

      Delete